以下是香港荃灣帝盛酒店評價。原來遠東絲麗酒店、絲麗酒店、帝盛酒店是同一集團。以上三間酒店都係喺荃灣，帝盛旗下仲有麗悅、九如坊。
荃灣帝盛酒店就三間裡面最高級嘅，而且都係名乎其實。不過就並非位於荃灣市中心，而是在大窩口。地鐵口出黎，都要行一段10分鐘路。唔好睇影相空間感係差唔多，三間酒店，間房最大最靚，的確係依間。
酒店評價
果然一分錢一分貨，俾貴少少，土地問題完全解決。除左離港鐵站遠少少同附近冇咩野食，仲有掛隊 Check in 多人慢啲外，諗唔到有咩缺點。
戴番個頭盔先。免費升級，應該係因為平日多房冇人Book，特登俾我地掛。按我地之前訂房經驗，升級依啲野，真係睇好唔好彩。我嘅升級體驗，你未必有，又或者你比我更好。
想做個精明消費者？就要閱讀【香港酒店住宿必備攻略】
如果覺得這篇香港荃灣帝盛酒店評價有參考價值，可以一覽新界區酒店評價
酒店好處
- 間房好大、樓底好高 (免費升級左客套房)
- 5樓，全部都係比較大嘅房黎，check in先知免費升級。樓底非常高，冇壓迫感，入門口係個廳仔，再入係大床加廁所。
- 有個廳仔
- 入門口左手邊有張工作檯，俾你做下野 (wifi非常穩定)，有埋兩支水俾你，非常貼心。
- 右邊有張梳化仔俾你坐低，睇下電視，你可以擺哂啲隨身物品喺張梳化度，或者作其他用途🤭
- 床都好大亦幾軟
- 廳仔再入就係大床，適合做運動及瞓教。床隔離電視又大，適合運動完攬住抖下。廳同床位各一部冷氣機調節器，完全唔嘈，聽唔到任何聲。
- 浴室高質
面積係絲麗、遠東嘅三倍，照樣頂噴蓮蓬頭，水溫穩定🤭。浴缸都乾凈，可以共浴🤗，仲有浴袍提供 - 嗰朝先打電話，話要一張大雙人床，最後都安排到，亦好細心問我地食唔食煙
- 有雪櫃仔擺下凍野飲
- 問過話book 10-16都可以用佢地泳池、gym room
不過醉翁之意不在此吧
酒店壞處
- 地理位置唔算方便，唔近港鐵站
- 當然你可以選擇 shuttle bus
- 一樣要俾$500按金同埋會 check 房
所以盡早撳定現金吧，都問過可唔可以用信用卡hold credit。酒店check到冇事，一星期左右俾番credit落張卡到。但只得 visa 同 master 可以做到，銀聯做唔到。(我地建議俾cash做按金，廢時有咩麻煩發生) - check-in out都等幾耐，都幾多內地遊客住
交通指南
A. 乘搭地鐵然後行路
- 大窩口站搭升降機上U1層天橋，出 lift 後轉直行再轉左落天橋，之後一直行穿過兩個油站。
- 你就會望到酒店 (7-11隔離)
- 如果部 lift 壞左，就B出口，向左行上天橋，其餘步驟一樣，10分鐘腳程左右。
B. 乘搭穿梭巴士
當然仲有免費Shuttle bus (按番帝盛集團酒店服務就show到)
路線一：葵芳港鐵站d出口葵廣正門>帝盛酒店
路線二：機場快線青衣站>尖沙咀中港城>帝盛酒店
基於有時啲時間會改，搭前記得打去酒店問清楚
基本資料
- 酒店名稱：荃灣帝盛酒店
- 地址：葵涌健全街28號
- 房型：高級客房(升級成5樓套房)
- 房價：$370
- 訂房方法：flowhk
- 其他訂房方法：
各酒店訂房平台優惠碼整合文章，慳錢慳到盡！
Klook、KKday、Trip.com、Agoda、Booking.com
Hotels.com、Expedia
HotelsCombined (比較酒店房價)