天水圍嘉湖海逸酒店 酒店評價

酒店評價

呼喚大西北的朋友仔。我們今次去的是天水圍嘉湖海逸酒店。因為星期五,九龍很多酒店都 full左。剩低的都非常貴,咁見到依間嘉湖海逸酒店聲稱自己係渡假酒店。一晚都只是 $539,咁我地就諗住入去渡下假。於是就 book 左啦。結果,不過不失啦。不過,我都非常建議大家住宿一晚。因為根據新聞報導,將來嘉湖海逸酒店會改建成大型住宅,以後想住酒店都沒辦法住了。

如果係住大西北嘅朋友仔,都幾值得黎嘅。至於有沒有渡假 feel?可能10分,入面有1分嘅。不過就非常適合想避世,又要求多美食選擇的朋友仔,因為附近有個大型商場,很多餐廳都有,例元大路的元氣壽司、拉麵等等。

以下是天水圍嘉湖海逸酒店,在各大酒店訂房平台的相應連結,方便即時進行預訂及對比價格 (具有情侶基本預訂設定)
最好的酒店格價網站│HotelsCombied
Booking集團│AgodaBooking.com
酒店地址:香港新界天水圍天恩路 18 號

想做個精明消費者?就要閱讀【香港酒店住宿必備攻略】

嘉湖海逸酒店第一期及第二期的分別

遠離銀座輕鐵站的,是 Tower 1,即是今次我們住宿的那一間。佢其實係服務式住宅黎, 我地上落都見到2對夫婦,以及2個坐輪椅嘅老人家。隔離間房個老人家,仲同清潔姐姐非常熟 ,所以 Tower 1,係好多人長期租住嘅,而且入面設施都好舊咁,直程好似90年代起完,就冇翻新過。

例子就係個電話黃黃舊舊,抽油煙機豐澤個 Logo 都甩埋。順帶一提,嘉湖海逸就係誠哥嘅,酒店上網都係用和記電訊嫁。而 Tower 2 先係渡假式酒店 ,所有泳池、健身室都喺依度 。

有朋友話我知,Tower 2 啲房其實係靚啲,新人結婚都會揀 Tower 2。當然我們未試過,就唔敢妄下定論。 但今次 Tower 1 體驗真係一般。房就的確係比普遍大嘅,但有啲野根本用唔著,例如電磁爐咁,住得酒店應該唔會想煮野食掛。但如果你話樓下有冇餐廳選擇,依度可謂咩都有,你想食咩就有咩,西式日式中式餐能都有齊,仲有間戲院。

夜晚唔怕塔程輕鐵,仲可以去元朗食b仔涼粉或者掃下街 。唔似青逸酒店咁樣,樓下得間 seven、大家樂 ,你冇咩選擇。想食好野,就要塔番車,出去青衣城食。又順帶一提 ,其實青逸酒店華逸酒店、嘉湖海逸都是誠哥的,母公司是海逸國際酒店集團,由長江實業地產擁有。

酒店優點

● 間房真係好大👍🏼
應該係我地,喺香港去過最大嘅房😃。雖然冇廳房分隔開,但可以話有迷你客廳,有open kitchen。咁佢話晒都係渡假酒店 ,間房大啲都合理嘅。
● 設備算齊全
房間內有微波爐同電磁爐 (但其實係開唔到嘅)。酒店有 gym room 同泳池等 (Tower 2)。大家訓醒,絕對可以落去做下運動 🏊。
● 附近有商場,都幾多野食
最重要係有窮L最愛嘅薩利亞。B小姐屋企附近冇,表示好開心,當晚即刻食左。A先生表示:「B小姐,你非常易養。」
● 隔音幾好
入左房之後,基本上都冇聽到出面或者隔離房嘅聲
● 浴室鏡都夠哂大

酒店缺處

● 聲稱幫我地 upgrade
因為當我地去到 check-in 嗰時 ,話 tower 2 已經 full 左,所以員工就安排我地去 tower 1,並 upgrade 當補償我地。其實tower2,先係渡假式酒店。游池同 gym room 等設施,都喺 tower 2。去到覺得 tower 1,似係住宅式酒店。同埋有冇 upgrade,根本不得而知。不過要讚下 Tower2 四眼哥哥仔 Reception,有問必答,良好服務態度。
● 遠遠遠,真係好遠
酒店位於天水圍銀座,搭完西鐵,仲要轉輕鐵先到。由紅磡搭一程去天水圍已經 $20,車費確實非常貴。
● 裝修好舊
一入去就睇得出間野已經多年歷史,而且入面無翻新過。電話都係非常舊式。
● 雖然有電磁爐,但係壞左
得個睇字。同埋雖然有迷你 Open Kitchen,但係咩廚具都冇,所以都係得物無所用。

如果覺得天水圍嘉湖海逸酒店的評價,能起參考作用。請點擊右邊連結,一覽更多新界區食玩訓體驗

基本資料

酒店名稱:嘉湖海逸酒店
地址:天水圍天恩路18號
交通指南在此
入住日期:28/9/2018
退房日期:29/9/2018
房型:標準房
房價:$539 (每人平均 269.5)
訂房方法:trip.com
折扣Code:暫時未有

如果有任何疑問可以 Instagram Dm 我地嫁,再唔係 Fb message 都得,唔洗怕醜嫁😈

7
離市區較遠,但勝在避世得來,附近多食物選擇



There are no comments

Add yours