Agoda 現金回贈獎賞 Cashback 申請步驟圖 + 住賞錢用法

Agoda 主要有2種獎賞

1. 現金回贈獎賞問題 及 申請過程 (詳盡圖片申請步驟！)
2. 住賞錢

如何查看你有的現金回贈 及 住賞錢

現金回贈獎賞 Cashback 詳細介紹

• Agoda 最新的會員獎賞計劃。你退房後，可要求現金回贈，存回信用卡內
  現金回贈生效日期為退房後60天，住客有多達120天要求有關回贈
  Agoda 會在你退房後60天後，向你發出電郵，要求你填寫接收現金回贈的信用卡/扣賬卡詳情
  要記得留意電郵
• 僅支援 Visa 和 Mastercard 信用卡和扣賬卡，作為接收現金回贈獎賞
• 都比較多讀者告知討厭這種回贈方式，因為至少要等60日。讀者寧願要即時折扣。
  但如果你識玩現金回贈信用卡/Agoda信用卡優惠，訂房標價高咗，其實對你更有利。
  始終信用卡回贈係計你月結單付款條面數，並唔清楚 Agoda 本身有回贈。
• 小編溫馨提示：由於現金回贈算係非常新嘅獎賞，Agoda 可能並未 run 順。
  有用戶表示試過訂嘅時候見到酒店有現金回贈，但訂後 Agoda 客服話酒店並不符合現金回贈資格。
  安全起見，建議大家訂嘅時候Cap一Cap圖。以後想拎番回贈，都容易啲有證明。
• 當然，小編估計推出此項新獎賞計劃，有以下原因：
  1. 吸引商務/大公司員工用 Agoda 訂酒店，畢竟出 Trip Claim 錢，Claim 嘅可能係面數。相信公司並不清楚 Agoda 提供現金回贈。
  2. 旅遊訂房平台實在太大競爭。只得住賞錢的話，恐怕偶爾單次消費客戶會選擇其他訂房網站。與其失去一次交易，不如提供現金回贈作為誘因。對於很少訂房的人，亦是好事。

現金回贈問題 及 申請過程

審核中階段

1. 點擊進入 Agoda App
2. 點擊右下角 設置
3. 頁面顯示 現金回贈獎賞

字呈橙色，即審核中，暫未能要求現金回贈

留意 Email 提醒

字呈綠色，即可適用，可一鍵要求現金回贈

如果你經常訂酒店，唔等錢洗，又有記性。
你可以等多間酒店呈綠色(可適用)，先一次過要求現金回贈。
因為一鍵就可以處理晒所有呈錄色嘅現金回贈，唔洗隔一段時間重覆Click，咁麻煩。

Email 收取驗證碼

輸入 Visa 或 MasterCard 資料

已請求階段

Visa 或 MasterCard 信用卡幾時會收到現金回贈？

雖然 Agoda 表示要求後，需要7個工作天到數，但小編實測係1日都唔洗。
小編曾於2023年8月9日12:32AM申請現金回贈。
睇番大新銀行信用卡月結單，8月8日已經到數，仲早1日。
但現金回贈係俾唔足嘅。
本身 $1,852.52 嘅現金回贈，得番 $1,817.17，即係扣咗 $35.35 手續費。

住賞錢詳細介紹

• 如果你訂啲HKD$600-$700酒店，大概都會俾番你HKD$10-$30，俾你下次訂酒店用
  只係大概，以小編所見，多數嘅比例係 10HKD：1住賞錢。
  915.20 HKD嘅房，可獲 9.15 HKD住賞錢
• 退房後7天可獲得住賞錢
• 使用時，係即時折扣
• Agoda 住賞錢有效期不超過5年

Agoda 現金回贈 vs 住賞錢

每次預訂，訂房頁面清楚顯示間酒店會提供邊款獎賞。
Agoda 通常都幾好，會同時俾晒2款優惠你。
有時就冇得揀，硬食其中1種。以小編觀察，多數出現嘅會係現金回贈。
以下訂房圖片就清楚顯示酒店，同時提供2款優惠。
建議大家點擊入去 Agoda App，自己留意一下邊間酒店有提供。

如果有得揀，你又經常都訂酒店，建議揀住賞錢。
因為退房後拎現金回贈到信用卡，最快要要2個月先收到數。
如果你唔係經常用 Agoda App，可能1年先用1次，其餘時間會用下其他訂房 App，當然就揀現金回贈。
不過小編認為酒店質素比較重要，依啲回贈非主要考慮因素。

Agoda 住賞錢用法

Agoda 理想設定

小編一向認為 Agoda 理想瀏覽設定為顯示應付總價(包稅及其他費用)，方便大家同其他訂房平台格價。
但因為有現金回贈，Agoda 變得有啲 tricky。Agoda 顯示嘅係現金回贈後嘅價格。
代表你俾錢預訂嘅時候，係要俾多啲。

其他 Agoda 現金回贈方法 (利用信用卡本身提供嘅現金回贈)

Livi Bank Paylater 8%現金回贈+3個月免息分期

小編每日都會更新 Agoda 優惠，希望幫大家慳更多。
如果要講暫時最好嘅 Agoda 現金回贈信用卡，就係 Livi Bank Paylater Mastercard。
嗰$100現金回贈通常係即日有，快過 Agoda 本身。
但用依個優惠，記得 Agoda 揀「立即付款」。

Agoda 8%現金回贈，仲做緊。優惠做到2023年12月31日。
由於近期都多人去旅行，小編估計優惠會延期，繼續有。
只適用 Paylater Mastercard。以下為3重優惠詳情：

1. 8%現金回贈，每月最盡可回$100
   以訂 $1,250 酒店為例，每月就已經回盡$100。依$100係即時回贈入活期儲蓄戶口。
2. 同時可享免息免手續費3個月分期
   例如你訂$1,250 酒店，第一期($416.66)係下一次卡數期先自動喺活期儲蓄戶口扣數。
   醒目嘅你，如果計啱截數日後先俾錢，係接近4個月分期。
   亦唔似 Atome 咁，交易嗰刻已經扣你第一期。

用嚟 Klook 消費最抵玩，再有額外5% off 酒店優惠碼。
KKday 消費8%回贈 + 12個月免息分期。
以下都做緊8%現金回贈 + 3個月免息分期：
Klook、Agoda、Trip、Hotels、Expedia

DBS Live Fresh 信用卡 5.4% 現金回贈

每個月揀網上旅遊商戶簽賬，都有5.4%現金回贈。
只要係旅行社、航空公司、酒店或網上旅遊平台，都得。
klook、kkday、trip、agoda、booking、Expedia 都有。
每個月最多回贈$150，即每月買$2,778就回盡。
按此申請 DBS Live Fresh

HSBC Red 信用卡 4% 現金回贈

每月回贈上限$500
即每月網購$12,500，就可拎盡回贈
所謂現金回贈，就係用HSBC Reward App
再用4%獎賞錢去繳付結單結欠，算係幾方便

安信 Earnmore 銀聯信用卡 2% 現金回贈 (比較安全嘅做法！)

劃一簽賬2%現金回贈
每年首HK$150,000簽賬，均享有2％現金回贈優惠
其後為無上限1％現金回贈
按此申請EarnMore

點解會話 Earnmore 較安全。
剛才所述嘅信用卡，例如DBS Live Fresh / HSBC Red，係限定咗交易記錄係 Agoda 商戶 / 網上付款先有現金回贈。
但小編都試過 Agoda 預訂就算揀咗「立即付款」，都係被 Hold 起信用卡 Credit，最後去到當日酒店 Check in 先俾卡真正扣數(機率幾細，但小編係試過1-2次)。
咁嘅情況底下，信用卡交易記錄顯示係你預訂嘅酒店，而非 Agoda / 網上付款，咁就食唔到信用卡嘅現金回贈。
而 Earnmore，不論邊種情況，都一樣食到信用卡嗰2%優惠，因為佢只睇簽賬金額。
同埋，有時 Agoda 「立即付款」係貴過到酒店付款，用 Earnmore 亦唔洗俾貴。
但要注意！！！
Agoda 本身提供嘅現金回贈，暫時只支持 Visa / Master 作為接收現金回贈獎賞嘅支付卡。
你係可以用銀聯 Earnmore 信用卡去預訂酒店，最後用番 Visa / Master 卡號收番 Agoda 嘅現金回贈。
因為根據條款細則，你現金回贈申請資訊中提供的卡詳情不必與 Agoda 帳戶關聯的，或用於支付預訂費用的卡一致。

各酒店訂房平台優惠碼整合文章，慳錢慳到盡！

Klook、KKday、Trip.com、Agoda、Booking.com
Hotels.com、Expedia
永安旅遊
HotelsCombined (比較酒店房價)

追蹤 TripsGeeks

• Facebook
• Instagram
• YouTube