Save on your hotel - hotelscombined.hk

Loverdomag

06d2bae8dd346f59ef6512a10cbc38c0?s=96&d=mm&r=g
36 POSTS0 COMMENTS
https://www.instagram.com/loverdomag/
本地薑│猛虎不及地頭蛇 為你搜尋 Staycation 優惠、酒店優惠及自助餐優惠 捐窿捐罅,為你找尋最新最好的本地遊情報,食玩訓就是人生態度

九龍塘財神小築

今次是九龍塘財神酒店的評價,其實它的真名是叫財神小築。九龍塘可以話係高級時鐘嘅集中地,各位情侶記得做筆記,找出最好的時鐘酒店。 有啲人可能見到佢個名同門口會有啲卻步,因為實在太舊,太不浪漫。但係其實我地覺得依間性價比都算唔錯。簡單講講價錢,細房$270,大房$370,都係3個鐘。 (現在2019年,可能已經加價了) 酒店好處 ● 最大好處就係平 如果可以揀到細房,其實價錢好抵。睇番漫春天嗰啲,3個鐘就$490😪 ($490其實已經預訂到酒店),依度其實真係算幾平 ● 床都算大同舒服 3個鐘黎講,絕對夠晒用。唔夠用,細房加$90一粒鐘 ● 每間房都一定有浴缸 每間房的浴缸有大有小。有些大房,甚至會有按摩浴缸。不果敢唔敢用,又係另一個問題。 ●裝潢唔算特別靚 但睇落都舒服同整潔嘅,當然算是舊式裝修 ●不收按金,亦不檢查房間 酒店壞處 ● 隔音頗差 成日都聽到隔離房嘅叫聲😣,又會聽到清潔姐姐喺出面大聲傾計 ● 細房成日都full晒 咁就要被逼俾多啲錢揀大房😭,大房嘅落差太大。依度間間房嘅裝修都唔同,有圓床,有正常床。有鏡,有冇鏡,有真正大房,又有假大房 。姐係同細房一樣大嘅所謂大房,揀大房真係好似尋寶咁。因為我地真係去過好多次,唔同嘅大房size,可以相差一倍。都有試過佢話俾大房,結果入到去覺得同細房冇分別。 ● 套套同水都「可能」要收$10 點解係可能呢,因為唔同姐姐,有不同做法。有時唔洗錢,都會俾你,有時要各收$10,先俾你。(所以套套同水,都盡量自己帶入去吧) ● 九龍塘附近冇咩好食 大家都係年輕人,afford得起嘅,都係又一城 food court 同城大 canteen 吧,再遠啲就會係南山邨品香樓。 ● 牙膏都冇支 你見啲牙膏係直接喺牙刷上面,唔會有一支支嫁 酒店基本資料 酒店名稱: 財神小築 (又叫財神酒店) 地址:九龍塘律倫街5號前座地下及1字樓 前往方法:九龍塘站步行5-10分鐘 房型:圖片為細房 房價:$270 訂房方法:walkin 折扣Code:暫時未有 如果有任何疑問可以 Instagram Dm 我地嫁,再唔係 Fb message 都得,唔洗怕醜嫁😈

荃灣絲麗酒店 酒店評價

酒店評價 今次是荃灣絲麗酒店評價。大家都知道我哋係走隨意路線,有時即興,有時就早啲Plan。今次就前者喇,難得兩個平日放假,我地又晨咁早起左身,心諗不如晏啲去葵廣食下野。食野之前當然要做下運動,即刻搵下葵廣附近有冇酒店。唔洗過夜嘅,做下運動姐😂。 見到 flow 有得訂10點至4點,section咁計,就即刻Book 左,都係 $390。(後尾朋友話我知,原來有 coupon code,消費等於或超過$350,減$100,姐係我地依間房,原本可以係$290😢)。4星級酒店黎講,性價比不錯。起碼每個鐘價位都平過時鐘,例如財神嗰啲。 荃灣絲麗酒店附近有這些酒店:旭逸酒店(極度推薦)、悅品酒店(19年尚算新開張的酒店,都好過荃灣絲麗酒店) 想看同一集團旗下酒店的體驗報告,請點擊右邊連結?荃灣遠東絲麗酒店、荃灣帝盛酒店 想做個精明消費者?就要閱讀【香港酒店住宿必備攻略】 今次依間荃灣絲麗酒店同遠東絲麗都係同一集團,兩間酒店各方面都有相似之處。首先大堂黎講,睇落都幾靚幾大,非常華麗,當然色調都是一樣。上到樓,一層都係有勁多間房。土地問題嘅嚴重程度,同遠東絲麗差唔多,但絲麗酒店廁所好好多,起碼夠位一齊澡涼。但講真,香港地真係無計啦,整體黎講,都算合格。 有興趣做完床上運動,之後去食下野的朋友,建議預訂這間酒店,因為算近葵廣。不想搭程車去葵廣,附近又有 pizza hut 同一些小店。 如認為以下荃灣絲麗酒店評價具參考價值,還可以繼續參考新界區酒店的評價。 酒店好處 ● 廁所雖然細,但都有淋浴間 唔會好似遠東絲麗咁,得個浴簾,係可以開關浴門,仲要係頭頂蓮蓬頭,岩哂兩個人澡🤭。暫時所有試過酒店中,水溫最穩定🤗。 ● 有雪櫃仔擺下凍野飲 ● 隔音都算ok 喺房嘅時候,都冇特別聽到啲咩聲 ● 酒店附近大部分都係小店,大家可以支持小店呀 啲野唔岩食,可以塔番一程車去葵廣食,大把野食揀 ● 電視size都襯番間房嘅,可接受 畫質ok,而且可以插usb,都算係新啲嘅電視。 ●遲少少check in,都俾到一張大雙人床我 好過上次絲麗了,上次俾左我兩張單人床合床 酒店壞處 ● 張床訓落唔係太舒服,雖然唔係好硬 啲床同遠東絲麗應該同款,所以適合做運動,唔適合過夜瞓教😂。當時鐘咁用,就最適合了 ● 間房比較細 基本上做咩都要喺張床上面做 ● 地理位置唔算方便,唔近港鐵站 基本上都係搭巴士或小巴先去到,當然你可以選擇shuttle bus ●冇提供兩支水 唔記得喺百佳買定,就要落樓下7-11買了 ● 要俾$500按金同埋會check房,所以盡早撳定現金吧 交通指南 先到地鐵葵芳A出口 (附近有恒生ATM、百佳超級市場、真味坊小食) 先撳定$500...

西營盤華麗海景酒店 酒店評價

酒店評價 以下是華麗海景酒店評價,恕我地兩個冇影太多相,因為今次有啲累,同埋今次這間西營盤華麗海景酒店,冇咩特別野影🤧。張床都還可以,但空間較細,冷氣機亦嘈😪。$447,仲包兩個自助早餐,真係尚算可以。野食都係普普通通,但都滿足嘅,佢係四星級,但我覺得似三星級酒店多啲。 因為同樣以同區四星級最平房做比較,跑馬地英皇酒店優勝好多,記得有次都係$380幾😂。廁所大啲,早餐都好食好多,而且又靜,冇咁多人同迫。依間都算容易搵,近地鐵站。當然佢位於港島,所以九龍同新界 couple ,應該覺得會唔就腳。不果如果你唔想要自助早餐🍳,純房一晚的話,係 $340 左右。如果你心水清,book時鐘酒店3-4個鐘,都差唔多依個價。所以如果以買私人空間及時間計算,尚算不錯。 實用連結 以下是西營盤 - 華麗海景酒店,在各大酒店訂房平台的相應連結,方便即時進行預訂及對比價格 (具有情侶基本預訂設定) 最好的酒店格價網站│HotelsCombied Booking集團│Agoda、Booking.com 酒店地址:皇后大道西 239 號 想做個精明消費者?就要閱讀【香港酒店住宿必備攻略】 酒店好處 ●🤑400幾,包自助早餐,兩個人都食得幾滿足,但野食就普通,因為我地平日去,冇咁多人,食早餐都靜靜地,冇種迫嘅感覺 ●🛌張床都冇咩野,都幾ok,但唔話係特別大 ●📺電視正正常常 ●有雪櫃擺下凍野飲 ●💰如不嫌交通麻煩,性價比確實不錯 酒店壞處 ●啲設施感覺上用左好耐,冇裝修過 間酒店都算高層,但只係得2或3架lift。我地好記得都等左10分鐘先搭到上去 check in,等 lift 位同架 lift 都係冇冷氣,亦係細架lift。夏天遊客又多,真係又焗又熱,加夾到實一實。 ●如圖所見,廁所真係細到痴線,隻腳正常都會頂住左個浴缸😤 唔好諗住可以鴛鴦浴,一個人都唔夠位,真係體驗到香港嘅土地問題係幾咁嚴重。 ●冷氣機非常嘈,如果你係醒訓之人,戴耳塞先係上策🙄 ●啲裝修好想扮中古華麗feel,但扮唔到 (唔識點講,但你應該會get到,姐係嗰種充大頭鬼的感覺) ●2餐選擇小🤦🏻‍ 雖然5分鐘腳程內都有麥記,但周邊茶餐廳都有啲貴同唔係咁好食,變相小左野食選擇,亦導致左我們沒有飲食篇。 希望是次華麗海景酒店評價,能起參考作用。請點擊右邊連結,一覽更多港島區酒店。 基本資料 酒店名稱:華麗海景酒店 地址:皇后大道西 239 號 入住日期:2018/5/7-8 房型:山景大床房 房價:$447.45 (每人平均$223.7) 訂房方法:Booking.com 折扣Code:暫時未有 如果有任何疑問可以 Instagram Dm 我地嫁,再唔係 Fb...

青逸 華逸 分別 | 幫你決定預訂青逸酒店還是華逸酒店

以下就是青逸及華逸分別,其實青逸酒店與華逸酒店同樣屬於海逸國際酒店集團,是香港最便宜價位的酒店。作者曾住過青逸及華逸各數次,都是覺得青逸較為優勝。如有興趣,可閱讀青逸酒店真實體驗。本文包括房間景觀分別、房間分別、洗手間分別、與藍澄灣商場的路程分別。當然,每間房間一定會有差異,但幾次體驗確實差不多。按此以最低價預訂青逸酒店、華逸酒店,一次過比較所有訂房平台價格。 景觀分別 青逸酒店景觀較為開揚,而華逸酒店則有櫃阻擋景觀。當然,每間房都不一樣,但普遍景觀,都是青逸酒店較好。 房間分別 青逸酒店試過2次免費升級大床,舒適程度好很多,而且淋浴室水溫較為穩定。華逸酒店雖說有升級大床,但明顯床較細張,而且水溫不太穩定。不過兩間酒店大部份房間都是沒有 wifi,要到大堂使用 wifi,請大家注意。如果 wifi 對你來說很重要的話,可能要先事先打去酒店問問酒店職員,是否有具備 wifi 的房間。青逸酒店電話 2129 1188、華逸酒店電話 2129 9988 與藍澄灣商場的路程分別 華逸酒店是比較近商場。因為酒店所在位置只得一個商場是有食肆及7-11。如果肚餓,又不想出青衣,多數都是商場內解決。近商場,意味吃飯及到 7-11 買宵夜,也方便很多,不用行多5分鐘。 兩間酒店的壞處 最大壞處真的是交通不方便,亦是這個原因令它較便宜為了方便大家知道前往方法,請看交通指南附近沒有好吃的,只有連鎖快餐店:大家樂、一粥麵和一間茶餐廳中間的永倫800酒店,是有餐廳,例如早餐及自助餐,不過價錢及賣相也不吸引。建議大家都不要預訂永倫800酒店。只要看看他們官網,就知道為何不建議預訂。酒店坐落於青衣碼頭附近,凌晨時段會有輕微搬貨雜聲如果是非常非常醒睡,戴耳塞睡覺才是上策2間酒店都試過房卡開不到門。原來是房卡壞了,要落到樓下找職員更換老實說,如非疫情,這2間酒店都非常多住客。有一次要排隊查詢換卡,確實令人非常不耐煩水溫比較不穩定,有時要等一會,才有熱水 酒店基本資料 酒店名稱: 青衣華逸酒店前往方法:詳見交通指南(青逸酒店、華逸酒店通用)房型:商務房房價:$383.4 (每人平均$191.7)訂房方法:HotelsCombined折扣Code:暫時未有 如果有任何疑問可以 Instagram Dm 我地嫁,再唔係 Fb message 都得,唔洗怕醜嫁😈

【香港酒店住宿必備攻略!做個精明消費者,免去中伏煩惱│酒店新手入門必看│不斷更新!】

經常有讀者在 Facebook Page 及 Instagram 問我們,究竟如何預訂便宜酒店,又有甚麼香港酒店是乾淨衛生、性價比高,值得推薦?小編都親自去過不少香港酒店,所以對於大多酒店質素、如何選擇合適酒店,以至酒店附近設施,都略有心得。以下【香港酒店住宿必備攻略】,便會一一揭露心得,務求為大家帶來更好的酒店體驗。 事前準備功夫 訂房步驟: 01│事先打電話詢問心儀設施的開放時間,才進行預訂,避免「摸門釘」 小編很喜歡到某些酒店的泳池游一下水,例如荃灣汀蘭居的泳池雖小,但是望海的,感覺得別寫意。但它只是在夏天開放的。雖然酒店訂房平台資料,表示它在冬天時,仍然開放泳池,但作為顧客,也是要知道,一間酒店是可以於多個訂房平台刊登資料。酒店不可能將每樣設施服務的詳情,在每個平台上作出更新。因此,如果你很想嘗試某間酒店提供的設施或服務,例如游泳池、Spa......,就需要自己親自打電話向酒店詢問。 02│如發現資料混淆,最好事先打電話詢問 說到酒店訂房網站,部份網站的房間資訊有時都會出現錯誤或有意出現此錯誤,令你以「較貴價錢,訂了同樣的房間」。以 Trip.com 為例,小編曾經發現香港中西區的一間酒店資料非常奇怪,酒店分為多個房型,但房間面積及圖片基乎都一樣。於是打電話詢問酒店職員,他們表示其實所有房間類型都是一樣面積的,價格高低只是決定了住高或低的樓層。 如果平日訂酒店,只需要訂最便宜的,然後向酒店職員要求較高樓層及床型,他們都能夠盡量做到。酒店職員表示,他們沒有辦法去控制 Trip 怎樣區分房型。當然,在此小編都不會公開這間酒店的名稱,原因是不想其酒店職員被問話或負上任何責任,而小編都相信不至 Trip 有這樣的房間分類操作。寫出來,是希望告訴讀者,如果發現酒店平台的資料十分奇怪,就最好打電話向酒店問一下,較為安全。 自己要求甚麼類型酒店?遠離市區避世,還是求方便? 了解酒店鄰近地點,帶備相關裝備 一般情況下,想遠離市區,不想太多熟人見到,靜靜地過二人世界的話,可以選擇以下酒店。 青衣:青逸酒店、華逸酒店、永倫800酒店 (原名盛逸酒店) 以上酒店同樣在藍澄灣,連著而建,酒店鄰近的商場,是有 7-11 及連鎖餐廳。夜晚或凌晨時份肚餓,在不叫外賣的情況下,是有辦法醫肚的。不過這三間酒店,都非常鄰近青衣貨櫃碼頭,夜晚會產生微量噪音。如果你是醒訓人仕,極度建議帶備 3m 耳塞,否則夜晚睡覺,便是活受罪。 荃灣:汀蘭居、帝盛酒店 汀蘭居附近是沒有任何 7-11 及餐廳的,在不叫外賣的情況下,只能吃自己帶來的食物或在樓下自動售賣機買個杯麵吃。 酒店辦理入住前必備 香港身份證 電話號碼 建議大家不要用自己常用的私人號碼,因為某些酒店是集團式經營,或會與子母分司分享客人資料。如果不想自己在住宿後,電話突然多了宣傳短訊,包括借貸廣告、酒店自助餐優惠,最好還是購買一張「 儲值卡」(俗稱太空卡),去用作消費用途。小編是購買 Smartone 最便宜的儲值卡($48),每隔 180 日,才需要增值...

青逸酒店 評價│落地大玻璃夜景,平價避世之選!

網上見到青衣有兩間酒店,分別是青逸酒店同華逸酒店,非常明顯屬於同一集團(海逸國際酒店集團)。他們只需 300 多港元一晚,屬於香港最便宜的酒店,所以經常會在 HotelsCombined 發現他們是價格最便宜。我們住了一晚,亦寫了這篇酒店評價,結果竟然有7分滿意,起碼好過去維記及百佳。按此預訂酒店。不過青逸酒店頗為遠離市區,要乘搭小巴或巴士出入。要順利來往酒店,就要閱讀交通指南了。 以下是青衣 - 青逸酒店,在各大酒店訂房平台的相應連結,方便即時進行預訂及對比價格 (具有情侶基本預訂設定)最好的酒店格價網站│HotelsCombiedBooking集團│Agoda、Booking.com酒店地址:香港青衣青衣路1號藍澄灣1座青逸酒店 想做個精明消費者?就要閱讀【香港酒店住宿必備攻略】 酒店好處 ●間房好大好乾淨,樓底好高,非常舒服●張床超級大!覺得可以睡3-4個人,都沒有問題●景觀不錯!因為間房樓底高,整個窗都是落地玻璃(詳見我們拍的IG影片),個夜景好壯觀●個衣櫃都好大,好方便我們放所有個人物件●電視都好大好高清,可以插USB同HDMI線,可惜酒店沒有HDMI線可以借●有雪櫃●有健身房,只是我們沒有去●非常便宜,性價比頗高。這個價錢,絕對好過去百佳及維記●不收按金,亦都不檢查房間●Check-in時,職員和我們說升級了成為商務房,而今次的確是真的,但下次華逸酒店的升級,並不是真的(為甚麼我們知是真的,因為我們去多了一次同一集團的華逸酒店。免費升級商務房,最後只是細房,沒有 king size 床,還比較貴。所以酒店確實非常海鮮價,是否預訂到好房,也要看你是否有運氣我們估計公司規定前台部,對所有客都是這樣說:幫你免費升級商務房 酒店壞處 ●最大的壞處確實交通不方便,相信亦都是這個原因令到它如此便宜,為了方便大家,我們出了一篇文章介紹交通方法●有些房間沒有 wifi●附近沒有好餐廳,基本上得大家樂、一粥麵同一間茶餐廳附近盛逸酒店就有餐廳,不過不太吸引,因為沒有好東西吃●酒店本身兩點就可以Check-in,我們兩點去到。職員說:因為前一晚 Full booking,所以要等多一個小時,3點先有得入房●冷氣在床頂,到最後,我們決定關了冷橡。不過冬天就小問題。夏天夜晚睡教,可能要戴耳塞●水溫比較不穩定,有時要等好久先有熱水●不知為何房間沒紙巾,浴室才有,有少少不方便●職員應該不記得放2支樽裝水,因為我們地去華逸是有2支樽裝水 基本資料 酒店名稱: 青逸酒店地址:香港青衣路一號前往方法:詳見以下交通指南 (小巴來往酒店方法,適用於青逸酒店、華逸酒店、永倫800酒店)房型:商務房房價:HKD 355 (每人平均$177.5)訂房方法:HotelsCombied訂房折扣優惠:暫時未有如果有任何疑問,可以 Instagram Dm 或者 Fb message

青逸酒店交通指南 (適用於華逸酒店及永倫800酒店)

往返青逸酒店交通指南,同時適用於華逸酒店及永倫800酒店(前稱盛逸酒店),因為這三間都是在附近的。本身酒店提供穿梳巴士往返酒店,但班次實在太疏了。一般都是乘搭巴士或小巴來往酒店較為方便。對於路痴來說,當然地鐵站出口,再行到交通交匯處,乘搭小巴最方便。班次亦較密,不需等待極長時間。以下是透過先乘搭地鐵,再乘搭小巴,前往青逸酒店的過程及步驟 (請左至右閱讀),有相片及文字版本: 青逸酒店的真體體驗評價,讓你決定是否繼續預訂。不過老實說,如果要乘搭一程車,才能到達酒店的話,確實有一點不方便。其實新界有更多更好的酒店選擇,房價不會相差太遠。以上是我們推介的酒店,方便你們比較房價。 前往青逸酒店的3個方法及步驟 乘搭地鐵到青衣站a1出口見到 A1 出口,直行就可以了直接行入青衣城2行入有冷氣的商場入商場後,見到第一個路口,就轉左轉左後,就會見到以上玻璃門,連接另一條天橋行入玻璃門,見到往下樓梯落樓梯落樓梯後,立刻向左行在小巴站,等候 88F 大約10分鐘乘小巴到藍澄灣總站此為藍澄灣商場升降機之後便要行路去酒店,路程大約5分鐘,以下便是教程 青逸酒店就在藍澄灣商場的背面較安全方法:一落小巴,你就會見到藍澄灣商場升降機,乘升降機到樓下商場,再在商場中間乘塔華逸酒店升降機到L5層,就會是華逸酒店的酒店大堂。這樣你就可以在華逸酒店大堂,向右走去永倫800酒店(前稱盛逸酒店),最後到達青逸酒店。較危險方法,建議不要採用:落小巴後,行右路口去青逸酒店。不過左右路口入酒店,算是人車爭路。不想被司機罵,都是採取以上較安全方法吧。 方法2(直接乘搭巴士): 大家可以用 Google 地圖,查一下自己附近,有沒有以下巴士 43、A32、42、43A、42A、948、249X、N241、N41X、43C如果有,恭喜你,你可以乘搭到去「長青邨青桃樓」站落車落車之後,會見到數棟幾靚的私樓,那裡就是藍澄灣,轉左有條斜路行進去大約3-5分鐘步程,就會到藍澄灣青逸酒店就在藍澄灣後面,你可以向左走,向右走都可以 方法3(在葵芳站,轉乘小巴): 其實我們兩個,都沒有試過這個辦法,不過其實和方法1 差不多,只要你在葵芳站,找到88G小巴,就可以去到藍澄灣總站,再行去酒店。 離開酒店交通 特別通告:酒店穿梭巴士暫停服務 (11/03/2020 - 31/12/2020)現在離開酒店,需要乘搭小巴。如果穿梭巴士回復服務,以下是步驟:我們最後離開酒店,是乘搭 12:00 pm 的穿梭巴士。 (如果你趕不到車,就再次乘搭88F小巴直去總站-青衣站)。如果你真的想省車錢或想嘗試一下乘搭穿梳巴士,就建議早些 check out,排隊等穿梭巴士,例如11:40分左右,就比較安全。因為 check out 都5分鐘,但穿梭巴士座位較少,而且是先盛載華逸的住客,然後才盛載青逸住客。結果我們是幸運,差不多是最後兩個位,後面的住客都上不到車。穿梭巴士先去青衣地鐵站c出口,然後再出尖沙咀。 實用連結 以下是青衣 - 青逸酒店,在各大酒店訂房平台的相應連結,方便即時進行預訂及對比價格 (具有情侶基本預訂設定)預訂青逸酒店酒店地址:香港青衣青衣路1號藍澄灣1座青逸酒店

尖沙咀熊貓旅館-熱狗巴館 酒店評價

酒店評價 今次我們去尖沙咀熊貓旅館 - 熱狗巴館。熊貓旅館是非常有特色的,它設有很多不同的館,並且可以在 Hotelscombined及 Agoda 上特別預訂某個館。 星期五夜晚,A先生話好掛住B小姐,話不如星期六聚一聚。咁我地就臨時上網搵房訂啦,因為B小姐有啲事要係尖沙咀做,所以我地就集中搵尖沙咀區的酒店。見到依間熊貓酒店星期六就400幾蚊。我地都知道係一星級賓館黎,不過想見都冇計啦。佢係尖沙咀,我地就訂左,結果都係預期之內差啦。 一星級嘅質素都係咁,你話400幾蚊就真係唔抵嘅,如果格硬要比較,我反而會揀番紅茶館。雖然佢細,但佢真係會有熱水同暖氣俾你,依間就冇。但如果你想嘗試一下不同香港主題特色的酒店房間,搞下浪漫情趣,這裡應該適合你。 以下是尖沙咀 - 熊貓旅館-熱狗巴館,在各大酒店訂房平台的相應連結,方便即時進行預訂及對比價格 (具有情侶基本預訂設定) Agoda│Hotelscombined 酒店好處 ●地理位置勁好,🚇尖沙咀站一出就係,而且附近應有盡有 ●作為一間以旅客為主要target嘅平價住宿,間房都算大,起碼我地唔會覺得逼 ●間房設計都有啲心思,係以🚌巴士為主題 ●📺電視勁大勁高清,仲可以插USB同HDMI線 ●🛏張床望落都乾淨既,所有野都幾整齊 ●唔洗俾訂金,Check-out將鎖匙放係門口個籃就ok ●雖然佢喺尖沙咀一啲舊既大廈,但其實入到去都唔算殘舊,而且環境都OK ●門後有3個掛鉤可以掛衫👚,都幾方便 酒店壞處 ●佢係用儲水式熱水爐!🤬等水半粒鐘,沖兩三分鐘就冇熱水 ●浴室嘅簾,有啲污糟😖(詳見以上圖片) ●🔉隔音都幾差 ●Check-in 係另一棟大廈,要走黎走去🚶🏻 ●冷氣虧嘅,改變唔到溫度🤦🏻‍♀ ●房入面冇牙膏牙刷,要我地出去雪櫃上面先搵到 基本資料 酒店名稱:尖沙咀熊貓酒店 - 熱狗巴館 接待處地址:尖沙咀彌敦道80號金鑾大廈8樓C室 (Check in喺另一棟大廈3樓吖) 前往方法:尖沙咀B1或B2出口一過對面馬路就到 入住日期:2018/1/13-14 房型:Double room (雙人床房) 房價:$431(每人平均$215.5) 即時訂房方法:Agoda 折扣Code:暫時未有 如果有任何疑問可以 Instagram Dm 我地嫁,再唔係 Fb message 都得,唔洗怕醜嫁😈 喂喂喂,唔好走住,仲有 Part...

佐敦新馬可勃羅別墅,內文有更好的酒店名單

事先聲明,這間位於佐敦的新馬可勃羅別墅,我們絕不推薦。會在內文提供更好的酒店名單,都算是近佐敦。 酒店好處 地理位置方便,🚇佐敦站一出就差唔多到招牌明顯好易搵,我地都係見到個招牌就上左去💰平平平,佢有分大房$170,細房$140咁我地都係志在有個地方,所以就揀左細房張床睇落都整齊嘅🛏 酒店壞處 廁所好臭!🤭好大陣唔知咩味!🤭基本上係咩都冇🤷🏻‍♀廁所得紙巾、浴帽同番梘,係連沐浴露同洗頭水都冇😑拖鞋係膠拖鞋,望落係黑色嫁,十級可怕😖電視好細📺基本上,就唔好預啲野好乾淨啦😐 基本資料 酒店名稱:佐敦新馬可勃羅別墅地址:佐敦道德興街1號1字樓A&B座前往方法:佐敦地鐵站E出口3分鐘就到訂房方法:Walk-in房型:細房房價:140/2hrs (每人平均70)訂房方法:Walk-in折扣Code:暫時未有

紅磡紅茶館酒店 (紅磡溫思勞街) 酒店評價

酒店整體評價 星期六訂房都預左貴,咁我地不嬲都即興就冇計。我地原本唔係訂溫思勞分店,係喺 Hotelscombined 預訂機利士南路嗰間。紅茶館其實有好多間,不同地區便有一間,是集團式經營。一晚都係 hkd400 左右。而且睇落評價都唔錯,咁就訂左去試下啦,到星期六去到 check,reception 姐姐同我地講酒店冇水。我地即刻黑人問號。 唔係講緊冇兩支水吖,而係冇澡涼嗰啲水,我地簡直o哂咀。酒店冇水,唔係 check in 前,用電話通知我地嫁咩。竟然要個客行多轉,迫住要溫思勞分店間房?咁個客訂左,都沒有辦法,只有馬死落地行,行過去。結果間房都幾伏下。 其實訂房嗰時見到荃灣遠東絲麗酒店,都只是 hkd400 左右,仲要便宜一點。如果可以再次選擇,一定選擇遠東絲麗酒店。 以下是紅磡 - 紅茶館酒店(紅磡溫思勞街),在各大酒店訂房平台的相應連結,方便即時進行預訂及對比價格 (具有情侶基本預訂設定) Agoda│Booking.com│Hotelscombined 酒店好處 ●行5分鐘左右,就有餐廳同小食店,可以食好西😋 其實好近 polyu,相信係理工學生親熱同搵食之地 ●一行入酒店大堂,就聞到好香花茶味😚,聞落都幾舒服😌 ●🚗交通都方便嘅,🚝紅磡站步行5分鐘 如果喺港島嘅朋友搭巴士107號🚌,一出紅隧就差唔多到 ●每層都有一個公家微波爐 ●廁所🚽都乾淨同靚嘅,勉強可以兩個人一齊沖涼 而且有A先生最中意嘅頂噴式蓮蓬頭🚿 ●有兩枝免費水、一次性拖鞋 ●一層都係4間房,所以隔音問題唔嚴重 ●冷氣有暖氣調較,冬天恩物 酒店壞處 ●附近就係殯儀館同花店,都幾唔浪漫☠ ●酒店冇水,但沒有預先通知我地,結果要我地去到check-in先知道😡 ●完美展現出香港嘅土地問題有幾嚴重,間房得9平方米 基本上活動範圍得張床,我地啲野都冇位放🤷🏻‍♀ ●成棟野都非常舊,無論是電梯大堂、電梯、走廊、樓梯 ●頂樓係25樓,但喺得一部電梯,等電梯等到花兒也謝了😪 ●按金要 hkd 500,仲貴過間房😨 不過check-out時,都沒有check房,做咩收按金 ●房卡得一張,都幾唔方便 ●📺電視好細呀 ●🚿沖涼啲水唔喺恆溫,一係好熱一係好凍 ●reception 同間房,唔係同一棟大廈 check in out,都要走番去隔離棟大廈 總結,依間都係冇下次,除非非常平 - 【基本資料】 酒店名稱: 紅茶館酒店 (紅磡溫思勞街) 地址:九龍紅磡溫思勞街 57A-61...

旺角比比酒店 酒店評價

以下是旺角比比酒店的真實評價。A先生同B小姐,決定夜晚來個小聚,咁喺旺角買左晚餐就上去比比酒店食。B小姐上網見到啲相都尚可以,就去試下。去到發現原來差唔多成棟大廈都是酒店/賓館。而我地去嘅比比酒店,就係頂樓16樓。我地本來話兩個鐘,唔知點解佢俾左過夜$300。咁我地諗住可以慢慢hea,就算啦。另外會收$200訂金,收現金/支付寶/wechat pay,唔收信用卡。房門就卡感應。 好處 ●我地真係3人房命🤦,同上次一樣,冇啦啦升級左做3人房 今次好啲,真係有張雙人床黎嘅,唔係3張單人床,有張床擺下雜物咁。(想知我地點3人房命法,睇番我地第一個 post 啦!!!) ●插座喺床頭!好方便叉電😍 B小姐😽成日機不離手,覺得依個設計勁方便😂 ●有 free wifi,速度都ok ●有 view 嫁!可以望到對面大廈🏢 (對面有pair外國情侶😍)同旺角五光十色咁😂 ●無煙味、無異味👍🏼 ●📺電視mon都算大 ●有幾個衣架可以掛衫👚👕 ●整體黎講,都乾淨嘅👌🏼 想在旺角住一晚,嘆盡附近美食?就要使用以下連結預訂旺角比賓館。 以下是荃灣遠東絲麗酒店,在各大酒店訂房平台的相應連結,方便即時進行預訂及對比價格 (具有情侶基本預訂設定) Booking集團│Agoda 酒店地址:旺角彌敦道737-741號金輪大廈16號ABC座 想做個精明消費者?就要閱讀【香港酒店住宿必備攻略】 壞處 ●拖鞋係膠拖款,唔係一次性😖,但望落都新淨嘅 ●冷氣開唔到!!😰不過因為佢可以開窗 咁最近天氣都唔熱,所以我地就冇同佢講啦 ●毛巾唔係獨立包裝,而且擺得唔整齊🤦 ●冇水冇condom,連熱水壺都冇,咩都冇🙄 ●廁所唔夠大,唔係乾濕分離🤦 ●電視位置唔喺床尾,睇得有啲辛苦🙁 【酒店基本資料】 酒店名稱:旺角比比酒店 地址:旺角彌敦道737-741號金輪大廈16號ABC座 前往方法:旺角東站步行10分鐘,或太子站步行5分鐘 入住日期:2017/1/4 房型:三人房 房價:$300(每人平均$150) 如果有任何疑問可以 Instagram Dm 我地嫁,再唔係 Fb message 都得,唔洗怕醜嫁😈 喂喂喂,唔好走住,仲有 Part B 搵食篇嫁🥜,記得睇埋!!

荃灣遠東絲麗酒店 酒店評價

【酒店評價】 以下是荃灣遠東絲麗酒店的真實評價。原本以為屋企人聖誕去旅行✈️,可以上B小姐屋企😈,但最後唔得😫,唯有臨急聖誕前 book 酒店,所以較貴💸。本身都網上 mark 左要雙人床房🛏,但最後4點 check in 已經無哂😭酒店就俾左3人房我地,但其實壞多過好,以下再講😉 酒店好處 ●聖誕黎講,性價比算高吧👍🏼 ●雖然廁所細,但係頂噴式蓮蓬頭,水溫又穩定,沖得好舒服😔😔 ●當晚full booking,但我地間房都好靜,唔應聲🤫 ●算係荃灣中心,周圍多餐廳揀,夜晚可以買宵夜🍢🍮 ●Check in out 前後,可以去周圍搵好西食平野🍛 ●我地都唔食煙,有非吸煙🚭樓層 ●🚇交通方便,好近地鐵站 酒店壞處 ●因為兩張單人床拍床,床罅搞到我地曳曳同訓教都好唔方便,冇得攬住訓🙅🏻‍♀️ ●廁所太細,兩個人一齊沖🚿會覺得好迫 ●毛巾唔係獨立包裝 (我地自己帶毛巾,冇影響) ●Wifi 比較慢,本身想一齊用 Notebook 睇下戲🎬,但 Load 唔到 ●無送兩支水,望番雪櫃要$8支 ●要按金$300,但唔會碌張卡,純記錄 ●鎖實左個窗,冇view (預左🤷🏻‍♀️) 【酒店基本資料】 酒店名稱:荃灣遠東絲麗酒店 地址:荃灣九龍青山公路荃灣段 135 - 143 號 前往方法:地鐵b1出口過天橋向左行 (近千色廣場,5分鐘到) 訂房日期:2017/12/22 入住日期:2017/12/25-26...

TOP AUTHORS

5f2ce749f3ea485d609a2ddbccd775bd?s=70&d=mm&r=g
0 POSTS0 COMMENTS
- Advertisment -

Most Read

城景國際交通指南,2種方法極速到達!分享城景國際點去

此文提供城景國際交通指南,亦有步行及交通路線圖,分享城景國際點去。同時提供可到達酒店的巴士編號。小編去過城景國際酒店 Staycation (泰滋味住宿優惠),包泰滋味晚餐放題。想看真實評價的話,可按此看 YouTube 影片。純粹預訂房間可按此,小編對房間非常滿意。 前往城景國際酒店的2個方法及步驟 乘搭地鐵到油麻地站從油麻地A2出口出見到 OK 及 7-11直行經過 OK 及 7-11見到 7-11,再向前望你會見到 YMCA 青年會的 LOGOYMCA 青年會右邊就是城景國際酒店直接過馬路這就是城景國際的正門由油麻地A2出口行去酒店,路程不用3分鐘 最近城景國際酒店的巴士站 這個 YMCA 巴士站,就最近城景國際酒店門口。這些路線號,包括20、20A、A20、7、8、81c、208、241x、270A、271、271B,都是直達酒店門口。其實好多巴士都到,全部巴士路線資訊,請按此瀏覽。 到達城景酒店的巴士路線號直達城景國際酒店門口 城景國際酒店有2個出入口 一個近油麻地地鐵站A2出口,一個極近巴士站,兩個出入口都可以直入酒店大堂。近地鐵站的出口入有 OK 及 7-11,方便買飲品,而且附近比較多餐廳。近巴士站的出入口,比較近酒店前台部,方便快速入住及退房。 有沒有穿梭巴士或接駁巴士 估計因為酒店實在太鄰近油麻地地鐵站,太方便了,所以暫時沒有穿梭巴士。來香港旅遊,從機場去酒店的朋友,可以按此看看城景國際酒店官網最新的交通安排。 由油麻地站A2出口,行到酒店的教學影片 https://youtu.be/n29B-OaCHQk?t=77 城景國際地址 香港油麻地窩打老道23號

九龍城富豪東方酒店 酒店評價│禾桿冚珍珠的酒店

酒店評價 是次九龍城富豪酒店的體驗非常良好,設施相當齊全,性價比超高,值得推薦。我們亦會再次預訂。酒店有兩個主要特色。第一,酒店周圍都超多美食。第二,房間有超大塊的床頭鏡。對於本身是吃貨及喜歡大鏡的情侶來說,這間酒店可謂十分適合。以下根據洗手間、臥室、酒店設施及服務質素,作出詳細評價,並且提供交通指南。 以下是九龍城富豪東方酒店,在各大酒店訂房平台的相應連結,方便即時進行預訂及對比價格 (具有情侶基本預訂設定) 最好的酒店格價網站│HotelsCombied│Agoda 酒店地址:香港九龍城沙浦道30-38號 想做個精明消費者?就要閱讀【香港酒店住宿必備攻略】 前台有告知我們是免費升級,我們亦相信是免費升級。因為所住的14樓,是行政樓層及最高樓層。未必每個人都有我們如此好運。我們覺得可以用禾桿冚珍珠來形容。我們覺得這間酒店的房間應該是舊式設計,甚至我入到酒店大堂及升降機的時候,都是持有相同的想法。 房間一定超舊及沒有翻新,類似我們上去入住過的嘉湖海逸酒店,但一入到走廊及房間。摩登、商務時尚的感覺立刻出來了。 洗手間評價 它是用玻璃取代了外牆的設計。洗手間入口是玻璃趟門,可能要小心些開門。   洗手間入口左手邊就是廁所。如廁時,很多空間給你伸展雙腳。整體都非常光猛衛生,但並非完全乾濕分離,勝在沒有積水問題。淋浴室亦有足夠空間讓兩個人一起洗澡,住客可選擇蓮蓬頭及花灑。淋浴露也是一次性。 臥室評價 間房非常大間,與旭逸酒店差不多大。雙人床頗大張,睡覺都頗舒服。另外,有超大塊的床頭鏡,某些情侶可能特別喜歡。電視就對正張床,所以床上看電視都頗舒服。   雙人床旁邊有張梳化,多個位置坐及擺放雜物。我們這間房是城景房,但日落景色算不錯。酒店官網聲稱可以飽覽維港及東九龍極致景色,我們這間房就看不到維港極致景色,可能要預訂較高級房間才有。   房內有張長型工作檯,旁邊有個位置,讓你放置雜物、行李箱並且坐著穿鞋。有送兩支水,亦有個咖啡機。不過,如果想用咖啡機,就需要$20元,才可以使用。   有個小雪櫃,可以在附近7-11買兩支酒雪凍,夜晚看電視的時候時飲。另外,有個非常大的衣櫃,絕對夠裝7日行程的衫。雖然設施齊全,設計亦商務摩登,但都有些小缺點。這些開關按鈕,房內大大話話有10粒以上。只有兩粒標明用途,住客要試清楚,才知道甚麼用途。   而且 Wifi 每間房間,只限兩台電子裝置。另加電子裝置,每台要港幣$120HKD (24小時)。對於我們來說,Wifi有限電子裝置,真的是第一次見。因為住客通常兩部手機已連Wifi,變了你想用電腦看 Youtube 都要加錢。 酒店設施評價 酒店大部份設施確實比較陳舊及設計老土,連升降機的按鈕都非常殘舊,懷疑很久沒有翻新過。不知是否為於九龍城的關係,酒店大堂內都特別多餐廳加酒吧。西式、日式、自助餐都有,不過我們就沒有嘗試,因為定價都是偏貴。   感覺只有我們所住的13及14樓的行政樓層有翻新過。走廊感覺是剛剛翻新,有放兩張椅子,有種專為商務客人設計的感覺。 酒店附近環境 超多美味餐廳,頹食、高質食物都有,有機會再多多介紹。 交通指南 其實富豪東方酒店本身就是九龍城區內的主要巴士站,極多車可以到達。一落車站向加望,便會見到酒店。而且將來建好的九龍城地鐵站亦在附近,可謂非常方便。 基本資料 酒店名稱:九龍城富豪東方酒店 地址:香港九龍城沙浦道30-38號 入住日期:星期一 房型:高級雙人床客房(市區景)(Youtube 觀看影片) 房價:$461.25 HKD (每人平均 230.6) 訂房方法:Hotelscombied 折扣Code:暫時未有 如果有任何疑問可以 Instagram Dm 我地嫁,再唔係 Fb message 都得,唔洗怕醜嫁😈

香港柏樂酒店│真Netflix and Chill

酒店總體評價 我們放完工,就約了一起在尖沙咀食好西,吃完晚飯都已經9點,吃拉麵吃得超飽,正所謂飽暖思淫慾。我們記得見過尖沙咀柏樂酒店可以過夜(10pm-10am),就立刻 whatsapp 預訂。 都好快有專人回覆。payme 付款,就可以上去,十分方便。全自助 Check in 及 Check out,不用給身份證及按金,保障私隱。漫漫長夜,電視可以看 Netflix,是真Netflix and Chill。 都可以選擇到 Agoda 預訂 酒店房間評價 ● 真。Netflix and Chill 📺 普通酒店,多數只有免費電視台,最多加個有線電視台。基於可以預訂10pm-10am,可謂漫漫長夜,可以讓情侶吃完晚飯,有個little break,飲兩支酒。然後看下Netflix,醞釀一下情緒,才入戲肉。(樓下便是7-11,可以買飲品及薯片) 亦可將手機影像投射到電視,例如觀看 YouTube 影片 (有教學)。電視可移位,然後對正張床。床頭亦有塊大靠墊,方便挨住看電視。 ● 價格十分便宜 過夜只是280,平均只是23.3元一小時,便宜過很多時鐘。 ● Queen...

荃灣旭逸雅捷酒店 酒店評價│工廈區的迷你酒店

荃灣旭逸雅捷酒店評價。一如以往,大家都知道酒店很喜歡標籤自己在市區,所以寫是荃灣,其實真正地點在葵涌。對比起上次旭逸酒店的體驗,這次性價比較差,因為酒店房間較細。 如果想要度假的應覺,建議入住旭逸酒店,詳細請看影片或以下文章內容。如果只是情侶運動數小時,避免遇到熟人的尷尬,這間酒店都尚算適合。 以下是荃灣旭逸酒店,在各大酒店訂房平台的相應連結,方便即時進行預訂及對比價格 (具有情侶基本預訂設定) 最好的酒店格價網站│HotelsCombied Booking集團│Agoda、Booking.com 酒店地址:葵涌圳邊街 15-19 號 以下是荃灣旭逸雅捷酒店,在各大酒店訂房平台的相應連結,方便即時進行預訂及對比價格 (具有情侶基本預訂設定) 最好的酒店格價網站│HotelsCombied Booking集團│Agoda、Booking.com 酒店地址:香港葵涌嘉慶路12號 洗手間評價 ●超級細心位 兩支牙刷是有分顏色,令住客易於辨認 ●廁所較細 住客難在如廁時,伸展雙腳 ●都尚算光猛 洗手盤都算整潔 ●淋浴室🚿 有蓮蓮頭🚿及一次性淋浴露 水溫亦算穩定🔥,不過空間較旭逸細 ●完全地乾濕分離 沒有旭逸酒店積水問題 ●夜晚會聽到樓上沖涼水聲 臥室評價 ●整體空間較細 沒有太多步行空間 ●工作檯較細張 檯上送兩支水 檯下有個雪櫃仔 ●雙人床🛏️ 正常尺寸 我們兩個都是瘦人,但睡覺只是剛剛好 ●電視📺 普通家中都會有的電視台 電視位置不太好,在床上要側側地頭才望到 ●插頭位都算多 酒店設施評價 健身室及餐廳都位於荃灣旭逸酒店。所以想吃早餐,都只能請移玉步,需時20分鐘步程,來回步程都要整整40分鐘。旭逸雅捷只是提供房間。不想為了享用設施而來回走的話,就預訂旭逸酒店吧。 酒店附近環境 附近是工廈區,非常少餐廳。5分鐘步程內,只有一間油站便利店,因此我們在入住酒店前,在葵芳吃了個午餐。 交通指南 其實跟足 Google Map 路線行,由葵芳行到酒店大概需要15分鐘,酒店算是易找。Google Map 表示只需3分鐘路程。不過,路程要經過的馬路頗多,起碼有5至6個。等紅綠燈都用了10分鐘,所以需時15分鐘。 另外,雖然要用Google Map看路,記得過馬路時,要小心,因為幾條都是大馬路,附近亦是工業大廈,車量頗多,亦有大貨車。而且最後要經過一個油站,非繁忙時段都有很多的士入油,記得加倍留神。 經葵芳A出口,直行經過百佳 如果你想夜晚與另一半在酒店房喝杯酒的話,建議在百佳買,然到到酒店時,用雪櫃雪凍。 見到 31m 巴士站後,轉左後直行,就會見到右邊有一條馬路 跟Google Map 再步行 15分鐘左右,就會到達酒店。 飲食就不用多介紹吧,葵芳地鐵站附近便是葵廣及新都會廣場,可謂極多美食選擇。 基本資料 酒店名稱:荃灣旭逸雅捷酒店 地址:香港葵涌嘉慶路12號 入住日期:星期日 房型:標準房型 房價:$390.72 HKD (每人平均 195.36) 訂房方法:HotelsCombied 折扣Code:暫時未有 如果有任何疑問可以 Instagram Dm 我地嫁,再唔係 Fb message...