Save on your hotel - hotelscombined.hk
Tags 荃灣

Tag: 荃灣

荃灣旭逸雅捷酒店 酒店評價│工廈區的迷你酒店

荃灣旭逸雅捷酒店評價。一如以往,大家都知道酒店很喜歡標籤自己在市區,所以寫是荃灣,其實真正地點在葵涌。對比起上次旭逸酒店的體驗,這次性價比較差,因為酒店房間較細。 如果想要度假的應覺,建議入住旭逸酒店,詳細請看影片或以下文章內容。如果只是情侶運動數小時,避免遇到熟人的尷尬,這間酒店都尚算適合。 以下是荃灣旭逸酒店,在各大酒店訂房平台的相應連結,方便即時進行預訂及對比價格 (具有情侶基本預訂設定) 最好的酒店格價網站│HotelsCombied Booking集團│Agoda、Booking.com 酒店地址:葵涌圳邊街 15-19 號 以下是荃灣旭逸雅捷酒店,在各大酒店訂房平台的相應連結,方便即時進行預訂及對比價格 (具有情侶基本預訂設定) 最好的酒店格價網站│HotelsCombied Booking集團│Agoda、Booking.com 酒店地址:香港葵涌嘉慶路12號 洗手間評價 ●超級細心位 兩支牙刷是有分顏色,令住客易於辨認 ●廁所較細 住客難在如廁時,伸展雙腳 ●都尚算光猛 洗手盤都算整潔 ●淋浴室🚿 有蓮蓮頭🚿及一次性淋浴露 水溫亦算穩定🔥,不過空間較旭逸細 ●完全地乾濕分離 沒有旭逸酒店積水問題 ●夜晚會聽到樓上沖涼水聲 臥室評價 ●整體空間較細 沒有太多步行空間 ●工作檯較細張 檯上送兩支水 檯下有個雪櫃仔 ●雙人床🛏️ 正常尺寸 我們兩個都是瘦人,但睡覺只是剛剛好 ●電視📺 普通家中都會有的電視台 電視位置不太好,在床上要側側地頭才望到 ●插頭位都算多 酒店設施評價 健身室及餐廳都位於荃灣旭逸酒店。所以想吃早餐,都只能請移玉步,需時20分鐘步程,來回步程都要整整40分鐘。旭逸雅捷只是提供房間。不想為了享用設施而來回走的話,就預訂旭逸酒店吧。 酒店附近環境 附近是工廈區,非常少餐廳。5分鐘步程內,只有一間油站便利店,因此我們在入住酒店前,在葵芳吃了個午餐。 交通指南 其實跟足 Google Map 路線行,由葵芳行到酒店大概需要15分鐘,酒店算是易找。Google Map 表示只需3分鐘路程。不過,路程要經過的馬路頗多,起碼有5至6個。等紅綠燈都用了10分鐘,所以需時15分鐘。 另外,雖然要用Google Map看路,記得過馬路時,要小心,因為幾條都是大馬路,附近亦是工業大廈,車量頗多,亦有大貨車。而且最後要經過一個油站,非繁忙時段都有很多的士入油,記得加倍留神。 經葵芳A出口,直行經過百佳 如果你想夜晚與另一半在酒店房喝杯酒的話,建議在百佳買,然到到酒店時,用雪櫃雪凍。 見到 31m 巴士站後,轉左後直行,就會見到右邊有一條馬路 跟Google Map 再步行 15分鐘左右,就會到達酒店。 飲食就不用多介紹吧,葵芳地鐵站附近便是葵廣及新都會廣場,可謂極多美食選擇。 基本資料 酒店名稱:荃灣旭逸雅捷酒店 地址:香港葵涌嘉慶路12號 入住日期:星期日 房型:標準房型 房價:$390.72 HKD (每人平均 195.36) 訂房方法:HotelsCombied 折扣Code:暫時未有 如果有任何疑問可以 Instagram Dm 我地嫁,再唔係 Fb message...

荃灣悅品酒店 酒店評價│工業區的時尚酒店!(高級悅品客房)

點擊觀看 60秒 酒店房間影片 (Instagram) 酒店評價 不小心發掘了一間算是新開的酒店:荃灣悅品酒店。本來也不知道是間頗新的酒店,入住後發現一切都很新淨。上網一查發現,原來是2018年10月開。除了位置比較偏僻,其他各方面都十分不錯,絕對會再次預訂,請留意我們兩次體驗後的詳細酒店評價。當然,酒店聲稱位於荃灣,實則位於葵涌工業區。 房間評價 我們預訂的是高級悅品客房。面積就真的不算相當大,但以$516 HKD來說,性價比確實相當高了。房間主要分為掛衫位置、大床及洗手間。不過,房間內的活動空間就不太足夠,不能與我們上次去的汀蘭居相比。房間設計相當簡約,是種時尚家居風格,相當光猛衛生。 掛衫位置評價 一行入房間,右邊就是一張長凳及掛衫的位置,亦設有全身鏡。我們覺得這算是相當細心的設計,它除了是掛衫的位置,亦是用來擺放所有隨身雜物的地方。細心留意一下,長凳下有空位,可以放置行李及鞋等,凳上則可放背囊。當住客離開酒店的時候,長凳亦方便住客坐下穿鞋,並且利用全身鏡整理儀容。如此方便住客的設計,並不是每間酒店都有的。 大床評價 雙人床就屬正常尺寸,床褥比較軟,適合做運動與睡覺。對正床的便是電視機,方便情侶在床上看電視。不過插頭位只設床的一邊,住客可能不太方便。睡在牆邊的另一半如果睡不著,可能想玩玩電話都難,因為要先下床,然後取電話。 洗手間及浴室評價 由影片可見,洗手間是相對寬敞的,起碼女生如廁有足夠位置伸展雙腳。而且整個洗手間都非常光猛衛生。淋浴室是長方型設計(我們影片只影了一半,沒有關浴室門影另一半),空間足夠兩個人共浴,水溫亦穩定。沐浴露亦是一次性的,可安心使用。 以下是荃灣悅品酒店,在各大酒店訂房平台的相應連結,方便即時進行預訂及對比價格 (具有情侶基本預訂設定) 最好的酒店格價網站│HotelsCombied Booking集團│Agoda、Booking.com 酒店地址:香港葵涌青山公路葵涌段443號 想做個精明消費者?就要閱讀【香港酒店住宿必備攻略】 如果覺得荃灣遠東絲麗酒店的評價,能起參考作用。請點擊右邊連結,一覽更多新界區食玩訓體驗。 酒店設施 有個休憩花園給住客休息一下,園中有鞦韆椅。 酒店環境評價 算是頗新的酒店,所以房間、大堂、休憩花園,都非常光猛新淨。 酒店附近環境評價 附近是工廈區,但距離酒店15分鐘左右,會有大路食店,例如 Pizza hut,普通茶餐廳等等。附近橋底,亦有間幸福咖啡店,不過食物及飲品價格都比較貴。如果想食好一些,就建議乘搭31m巴士返回葵芳地鐵站附近的葵涌廣場及新都會廣場,因為有很多餐廳選擇。 晚上附近很少人出入, 感覺的確較市區危險。 服務質素 進入房間後,發現沒有拖鞋,所以打去前台部,最後都很快有人送上來。 交通指南 搭乘港鐵前往葵芳站A出口 轉乘 31M 巴士 在光輝園站下車,行上附近的窄天橋 再跟 Google Map 行,算是相當易找 其實車程只需要5分鐘,但下車後步行需8-10分鐘。 基本資料 酒店名稱:荃灣悅品酒店 酒店地址:香港葵涌青山公路葵涌段443號 入住日期:平日 退房日期:平日 房型:高級悅品客房 房價:$516.7 HKD 按金:$500 HKD 訂房方法:agoda 折扣Code:暫時未有 如果有任何疑問可以 Instagram Dm 我地嫁,再唔係 Fb...

荃灣汀蘭居評價 | 有海景又適合避世的酒店!

香港汀蘭居評價,綜合來說,是間性價比頗高,又適合情侶避世的酒店。最重要的是,有部份房間是可以望海的,有無敵海景及醉人夜景。夏天亦會開放游泳池,是休閒假期的首選。不過缺點便是交通不太方便,附近亦沒有餐廳及便利店。以下文章會帶大家一覽酒店,並且對房間、浴室、洗手間、開放式廚房、客廳、睡房、酒店設施、酒店環境、服務質素進行評價。交通指南亦在文章內,歡迎瀏覽。 房間評價 我們預訂的是開放式客房(Studio),面積就相當大,可謂我們去過的酒店中的數一數二,我估計免費升級了做 Suite。根據 Hotelscombined 的資料,房間有42平方米/452平方呎。房間間隔設計,有點類似我們上次去過的荃灣帝盛酒店。房間有洗手間、開放式廚房、客廳及睡房,所以面積非常大,活動空間亦非常多。 不過,房間就未必一定能望海。在下圖可見,房間編號 1-10、26-31 是可以望海及最近海的開放式客房,11-25號應該是望馬路的標準房或單人房。如果你一定要望海的話,最好先向酒店查詢一下或盡量預訂開放式客房。 房間設計相當簡約,主色是黑白配搭,比較像年輕情侶的家,隔音都頗好。另外,設計算是現代化,電制插頭位都足夠,wifi網絡速度都頗快及穩定。以下則以房間間隔部份順序評價。 浴室及洗手間評價 一行入房間,右邊就是洗手間。你可以感覺到洗手間的燈光及裝修風格與房間其餘部份截然不同。它應該是沒有翻新過,燈光非常黃,整體裝修都略有歲月痕跡。洗手間與浴室只是勉強乾濕分離,只是以浴廉相隔。 說起浴廉,就不得不提企缸以及花灑相關的設計。如影片所見,固定花灑頭的位置,其實是對正浴廉的。花灑水力雖然不太猛,但在淋浴時射向浴廉的水,會隨著浴廉一瀉以下,令坐廁位置瞬間變成水塘。 當你淋完浴,你就會發覺你離開浴缸的落腳位,有一大灘水漬。所以洗完澡後,記得小心地離開浴缸,以免跌倒。加上洗手間去水亦不好,我們第二朝亦見昨晚淋浴後的水漬,出入洗手間都一樣要小心。 另外,花灑水掣已略顯殘舊,右邊水掣亦有損毀。熱水要開一段時間才會有,水溫就尚算穩定。淋浴露都是一次性,不過毛巾非獨立包裝。其實整間房裡面,最差便是浴室及洗手間的部份,其餘都非常不錯。 開放式廚房評價 估計大家都是住一晚,應該不會用到廚房,自己煮飯仔吧。此間酒店應該主打月租形式,所以設施都相當齊全。電磁爐底下有雪櫃及微波爐,都方便了住客。如果讀者們喜歡通宵觀看電影,我們都建議在入住前,購買幾支酒及叮叮食物,帶入酒店。這樣的話,夜晚就不用捱餓了。 客廳評價 客廳具備書架、吃飯兼工作檯、梳化及電視機,再加靚海景。其實客廳的設計是相當人性化,以下詳述。首先,工作檯下面便有一個插頭,讓住客替手提電腦充電。 電視都多台選擇,放的位置亦是對正梳化,角度非常好。值得一提的是,房間內是有兩部電視機。一部在客廳,一部在睡房。如果情侶之中,只有一人有睡意,另外一人亦可以在客廳觀看電視節目,不會嘈醒另一半。梳化前面亦有一張檯,讓你擺放搖控器或食物,非常周到。 當你在看電視時,正常都會在廣告時段望一望手機。細心留意梳化左手邊,便會看見兩個USB插頭,方便住客替電話充電。 另外,雖然客廳不是採用落地大玻璃,但透過此窗戶,望到日出及日落景色,已算不錯。 睡房評價 雙人床就正常 Size,床褥比較軟,適合做運動與睡覺。床尾便是電視機,方便情侶在床上看電視。雙人床旁邊,有巨型衣櫃,足夠你放3天衣服。睡房的USB插頭位就比較難找了,位於可移式抽櫃的背面。睡房位置同樣望到海,窗旁位置亦有足夠空間擺放雜物。 以下是荃灣汀蘭居,在各大酒店訂房平台的相應連結,方便即時進行預訂及對比價格 (具有情侶基本預訂設定)最好的酒店格價網站│HotelsCombiedBooking集團│Agoda、Booking.com酒店地址:荃灣油柑頭青山公路123號 酒店設施 有望海的遊泳池,不過只在夏天開放,冬天會關閉。其他設施,請按此。 酒店環境評價 雖然沒有影到大堂裝修,但用餐位置及酒吧都是望海的,日落日出的景色頗美。 酒店附近環境評價 附近是高尚住宅區,沒有餐廳及便利店,只得一條大馬路。 服務質素 酒店職員都算有禮貌。不過有樣奇怪,就是前台部要求住客給身份證後,會當面影印住客身份證。我們去過其他的酒店,多數都沒有這樣做。 汀蘭居交通指南 很多酒店訂房網站都標示酒店在於荃灣,但它當然不在荃灣市中心,住客需要在荃灣乘搭小巴,才能到達位於青山公路的汀蘭居。 如果你 Google 交通路線的話,它會建議你在大窩口站出口,再轉乘302小巴。我們建議千萬不要參考這條路線,有以下原因。第一,就算於非繁忙時間的下午2時,我們等了45分鐘,才有第一架302小巴,而且滿座。15分鐘後有第二架小巴,同樣滿座。第二,於此車站,只有302小巴會到達汀蘭居,你沒有其他選擇,只有呆等。 最後我們放棄等待,改到荃灣南豐中心對面乘搭小巴96m,原因如下。第一,你很大機會有位坐,因為南豐中心是小巴總站,96m在此開出。第二,你有多個選擇,96c小巴都一樣可以到達汀蘭居。而這兩條小巴路線,除了可到達汀蘭居,亦可到達荃灣帝景酒店。 不過要留意,同車的乘客好少會在汀蘭居下車,車程一般都只是15分鐘。第一次乘搭的人,請盡量坐前排,有禮貌地要求司機提一提醒你,否則可能過了站都懵然不知。 離開酒店的話,可以行去酒店對面馬路,乘搭巴士234b,大約20分鐘車程,就會到荃灣西總站。 如果覺得自己乘搭交通工具麻煩的話,可以按右邊連結參考穿梳巴士的資訊。不過,服務只限持有有效匙卡的之後客使用。簡單來說,如果你住2日一夜的話,只能乘搭交通工具前往酒店。 基本資料 酒店名稱:香港汀蘭居 (Bay Bridge Lifestyle Retreat)地址:荃灣油柑頭青山公路123號酒店電話:+852 2945 1111房型:開放式客房 (Studio)房價:$668.46 HKD (每人平均334.23)按金:$1000 HKD (按金有點貴,我們只好用信用卡作預付)訂房方法:Hotelscombiend 如果有任何疑問可以 Instagram Dm 我地嫁,再唔係...

荃灣旭逸酒店交通指南

往返荃灣旭逸酒店的交通指南 其實交通方法與去荃灣絲麗酒店差不多,因為荃灣旭逸酒店正正就在荃灣絲麗酒店附近,大約只有5分鐘路程距離。其實在附近,可算有極多三、四星級酒店,包括悅品酒店,都頗不錯。以下是前往酒店的路線步驟。按此以最低價預訂旭逸酒店,可立刻比較各大訂房平台房價。 先到地鐵葵芳站A出口 (附近有恒生ATM、百佳超級市場、真味坊小食)先撳定$500 現金做按金 (可以順便在百佳買兩支水同辣汁燒賣食下)直行就見到 31m 巴士站 (好多人等車的)。乘搭31m後,約10-15分鐘車程,就會到達藍田街站 (其實都幾快到)落車後,過一條馬路,先會見到整座紫色,非常顯眼的荃灣絲麗酒店然後經旁邊斜坡向下行到達斜坡盡頭,就向左轉,就會見到酒店 (因附近是工廈區,比較多重型貨櫃車,所以帶著女伴過馬路,要小心!!)如果不明白怎樣從藍田街站下車,然後前往荃灣旭逸酒店的話,就請按此 Google 路線由葵涌廣場乘搭 31m,往荃灣旭逸酒店的全程路線圖,則請按此 【荃灣旭逸酒店評價】→【荃灣旭逸酒店早餐】。 交通流程圖 (請左至右閱讀) 亦有穿梳巴士服務 荃灣旭逸酒店每日提供「免費穿梭巴士服務 (未必是最新,最好自行網上查詢)」往返港鐵葵興站。不過,前往酒店都是建議乘搭巴士,因為正常都是吃完午餐或晚餐,才前往酒店入住。葵芳會是個吃飯好地方,較多選擇。穿梳巴士服務是往返葵興站,較少餐廳選擇。另外,班次是大約30分鐘一班,未必就到時間。 離開酒店 離開酒店都相當容易,只要再次乘搭 31m 返回葵涌廣場,就是葵芳港鐵站,落車的站名為 - 新都會廣場(很多人下車的)。 以下是荃灣旭逸酒店,在各大酒店訂房平台的相應連結,方便即時進行預訂及對比價格 (具有情侶基本預訂設定)最好的酒店格價網站│HotelsCombied酒店地址:葵涌圳邊街 15-19 號

荃灣帝盛酒店酒店評價

以下是香港荃灣帝盛酒店評價。原來遠東絲麗酒店、絲麗酒店、帝盛酒店是同一集團。以上三間酒店都係喺荃灣,帝盛旗下仲有麗悅、九如坊。 荃灣帝盛酒店就三間裡面最高級嘅,而且都係名乎其實。不過就並非位於荃灣市中心,而是在大窩口。地鐵口出黎,都要行一段10分鐘路。唔好睇影相空間感係差唔多,三間酒店,間房最大最靚,的確係依間。 酒店評價 果然一分錢一分貨,俾貴少少,土地問題完全解決。除左離港鐵站遠少少同附近冇咩野食,仲有掛隊 Check in 多人慢啲外,諗唔到有咩缺點。戴番個頭盔先。免費升級,應該係因為平日多房冇人Book,特登俾我地掛。按我地之前訂房經驗,升級依啲野,真係睇好唔好彩。我嘅升級體驗,你未必有,又或者你比我更好。 想做個精明消費者?就要閱讀【香港酒店住宿必備攻略】如果覺得這篇香港荃灣帝盛酒店評價有參考價值,可以一覽新界區酒店評價 酒店好處 ● 間房好大、樓底好高 (免費升級左客套房)5樓,全部都係比較大嘅房黎,check in先知免費升級 (可能係 flow 度訂左同集團兩次,有獎賞?)。樓底非常高,冇壓迫感,入門口係個廳仔,再入係大床加廁所。● 廳仔入門口左手邊有張工作檯,俾你做下野 (wifi非常穩定),有埋兩支水俾你,非常貼心。右邊有張梳化仔俾你坐低,睇下電視,你可以擺哂啲隨身物品喺張梳化度,或者作其他用途🤭● 床都好大亦幾軟廳仔再入就係大床,適合做運動及瞓教。床隔離電視又大,適合運動完攬住抖下。廳同床位各一部冷氣機調節器,完全唔嘈,聽唔到任何聲。● 浴室高質面積係絲麗、遠東嘅三倍,照樣頂噴蓮蓬頭,水溫穩定🤭。浴缸都乾凈,可以共浴🤗,仲有浴袍提供● 嗰朝先打電話,話要一張大雙人床最後都安排到,亦好細心問我地食唔食煙● 有雪櫃仔擺下凍野飲● 問過話book 10-16都可以用佢地泳池、gym room不過醉翁之意不在此吧 酒店壞處 ● 地理位置唔算方便,唔近港鐵站當然你可以選擇 shuttle bus● 一樣要俾$500按金同埋會 check...

荃灣絲麗酒店 酒店評價

酒店評價 今次是荃灣絲麗酒店評價。大家都知道我哋係走隨意路線,有時即興,有時就早啲Plan。今次就前者喇,難得兩個平日放假,我地又晨咁早起左身,心諗不如晏啲去葵廣食下野。食野之前當然要做下運動,即刻搵下葵廣附近有冇酒店。唔洗過夜嘅,做下運動姐😂。 見到 flow 有得訂10點至4點,section咁計,就即刻Book 左,都係 $390。(後尾朋友話我知,原來有 coupon code,消費等於或超過$350,減$100,姐係我地依間房,原本可以係$290😢)。4星級酒店黎講,性價比不錯。起碼每個鐘價位都平過時鐘,例如財神嗰啲。 荃灣絲麗酒店附近有這些酒店:旭逸酒店(極度推薦)、悅品酒店(19年尚算新開張的酒店,都好過荃灣絲麗酒店) 想看同一集團旗下酒店的體驗報告,請點擊右邊連結?荃灣遠東絲麗酒店、荃灣帝盛酒店 想做個精明消費者?就要閱讀【香港酒店住宿必備攻略】 今次依間荃灣絲麗酒店同遠東絲麗都係同一集團,兩間酒店各方面都有相似之處。首先大堂黎講,睇落都幾靚幾大,非常華麗,當然色調都是一樣。上到樓,一層都係有勁多間房。土地問題嘅嚴重程度,同遠東絲麗差唔多,但絲麗酒店廁所好好多,起碼夠位一齊澡涼。但講真,香港地真係無計啦,整體黎講,都算合格。 有興趣做完床上運動,之後去食下野的朋友,建議預訂這間酒店,因為算近葵廣。不想搭程車去葵廣,附近又有 pizza hut 同一些小店。 如認為以下荃灣絲麗酒店評價具參考價值,還可以繼續參考新界區酒店的評價。 酒店好處 ● 廁所雖然細,但都有淋浴間 唔會好似遠東絲麗咁,得個浴簾,係可以開關浴門,仲要係頭頂蓮蓬頭,岩哂兩個人澡🤭。暫時所有試過酒店中,水溫最穩定🤗。 ● 有雪櫃仔擺下凍野飲 ● 隔音都算ok 喺房嘅時候,都冇特別聽到啲咩聲 ● 酒店附近大部分都係小店,大家可以支持小店呀 啲野唔岩食,可以塔番一程車去葵廣食,大把野食揀 ● 電視size都襯番間房嘅,可接受 畫質ok,而且可以插usb,都算係新啲嘅電視。 ●遲少少check in,都俾到一張大雙人床我 好過上次絲麗了,上次俾左我兩張單人床合床 酒店壞處 ● 張床訓落唔係太舒服,雖然唔係好硬 啲床同遠東絲麗應該同款,所以適合做運動,唔適合過夜瞓教😂。當時鐘咁用,就最適合了 ● 間房比較細 基本上做咩都要喺張床上面做 ● 地理位置唔算方便,唔近港鐵站 基本上都係搭巴士或小巴先去到,當然你可以選擇shuttle bus ●冇提供兩支水 唔記得喺百佳買定,就要落樓下7-11買了 ● 要俾$500按金同埋會check房,所以盡早撳定現金吧 交通指南 先到地鐵葵芳A出口 (附近有恒生ATM、百佳超級市場、真味坊小食) 先撳定$500...

荃灣遠東絲麗酒店 酒店評價

以下是荃灣遠東絲麗酒店的真實評價。原本以為屋企人聖誕去旅行✈️,可以上B小姐屋企😈,但最後唔得😫,唯有臨急聖誕前 book 酒店,所以較貴💸。本身都網上 mark 左要雙人床房🛏,但最後4點 check in 已經無哂😭酒店就俾左3人房我地,但其實壞多過好,以下再講😉 酒店好處 ●聖誕黎講,性價比算高吧👍🏼●雖然廁所細,但係頂噴式蓮蓬頭,水溫又穩定,沖得好舒服😔😔●當晚full booking,但我地間房都好靜,唔應聲🤫●算係荃灣中心,周圍多餐廳揀,夜晚可以買宵夜🍢🍮●Check in out 前後,可以去周圍搵好西食平野🍛●我地都唔食煙,有非吸煙🚭樓層●🚇交通方便,好近地鐵站 酒店壞處 ●因為兩張單人床拍床,床罅搞到我地曳曳同訓教都好唔方便,冇得攬住訓🙅🏻‍♀️●廁所太細,兩個人一齊沖🚿會覺得好迫●毛巾唔係獨立包裝 (我地自己帶毛巾,冇影響)●Wifi 比較慢,本身想一齊用 Notebook 睇下戲🎬,但 Load 唔到●無送兩支水,望番雪櫃要$8支●要按金$300,但唔會碌張卡,純記錄●鎖實左個窗,冇view (預左🤷🏻‍♀️) 【酒店基本資料】 酒店名稱:荃灣遠東絲麗酒店地址:荃灣九龍青山公路荃灣段 135 - 143 號前往方法:地鐵b1出口過天橋向左行 (近千色廣場,5分鐘到)房型:標準雙人房...
- Advertisment -

Most Read